ТИНЕКС-МТ ДООЕЛ Скопје

Опис

Тинекс e водечки малопродажен ланец на супермаркети во нашата земја, кој повеќе од 32 години настојува на своите потрошувачи, со својата разгранета мрежа, да им ги понуди најдобрите производи и услуги со врвен квалитет и одлични цени.

На полиците секојдневно може да се најде широк асортиман на повеќе од 30.000 производи од различни категории, меѓу кои се вбројуваат производите од сопствениот бренд EXTRA, како и странски увозни брендови на производи и деликатеси, достапни единствено во Tinex маркетите.

Со цел на купувачите на едно место да им се понуди комплетна услуга и целосно да бидат задоволени нивните потреби, во склоп на повеќето супермаркети се наоѓаат и многу други трговски објекти како дрогериите Cosmo, Tinex TO GO, Tinex Home, Tinex Delicatessen, Retail Park GODI, продавници SPOT и Konto. Тинекс секогаш е насочен кон примена на најновите технологии и принципи на управување, кои се насочени кон усовршување на потрошувачкото искуство и максимизација на задоволството од пазарењето.

Денес, семејството на Тинекс вклучува 32 супермаркет во 8 градови низ Македонија, 4 Cosmo дрогерии, 4 TO Go ресторани, 2 Daily ресторани, 2 HOME продавници на мебел и декор, 1 игротека Big Bang, 1 Retail Park GODI, 2 SPOT продавници, сопствен логистичко – дистрибутивен центар, погони за производство на готови јадења и обработки на месо и др.

Останатиот, и најзначаен дел од семејството на Тинекс го сочинуваат над 800 вработени, над 200.000 потрошувачи и 2000 соработници, без кои секоја цел би била залудна и неостварлива.